Bakı metrosunda sərnişin stansiya yoluna düşdü – Yenilənib + Video

Metronun “28 May” stansiyasında qatar yoluna düşən sərnişin (cinsi kişi) ölüb. Onun 65-70 yaşının olduğu təxmin edilir.

Bu barədə “Bakı Metropoliteni” QSC-dən bildirilib.

Hadisə ilə əlaqədar xətlərdə yubanma olub, onun meyiti qatar yolundan çıxarıldıqdan sonra hərəkət bərpa olunub.

Hazırda xətlərdə intervalların bərpa olunması istiqamətində operativ tədbirlər görülür.

***

Bakı metrosunda sərnişinlərdən biri stansiya yoluna düşüb.

Bu barədə TEMPİNFO-ya “Bakı Metropoliteni”nin mətbuat xidmətindən məlumat verilib.

Bildirilib ki, qatar “28 May” daxil olanda, sərnişin stansiya yoluna düşüb.

Hadisə ilə bağlı xətlərdə yubanma var.

TEMPİNFO