Meyvə-tərəvəzin qiyməti kəskin bahalaşdı: Səbəb nədir?

Rayonlara aramsız yağan yağışlar kənd təsərrüfatı məhsullarının qiymətinə təsirsiz ötüşməyib.

TEMPİNFO xəbər verir ki, pomidor, xiyar, bibər, lobya və digər məhsulların qiyməti iki dəfə bahalaşıb.

Kilosu 0,7-1 manata satılan xiyar 1,50-2 manat, kilosi 1,5-2 manata satılan pomidor isə alıcılara 3-5 manat arasında təklif olunur.

Lobya əvvəllər 4 manat 50 qəpiyə satılırdısa, indi marketlər şəbəkəsində 5 manatdan bahadır.

Satıcılar bahalaşmanın səbəbini yağışlı hava şəraiti ilə əlaqələndirir. Onlar bildirib ki, belə hava şəraitində əkin sahələrinə girmək olmur. Bu səbəbdən də əldə olunan məhsulu baha qiymətə satmağa məcbur oluruq. (qaynarinfo)

TEMPİNFO