Mbappenin durumu nə yerdədir? – Ançelotti açıqladı

“Real”ın baş məşqçisi Karlo Ançelotti hücumçusu Killian Mbappenin bərpası haqda danışıb.

TEMPİNFO xəbər verir ki, o, deyib: “Mbappe keyfiyyətlə və tez bərpa oldu. Dünən individual şəkildə məşq etdi. Killian çox məşq buraxmayıb, ona görə formasını itirməyib. Bu gün Mbappe bizimlə məşq edəcək və biz onun durumunu qiymətləndirəcəyik. İstədiyimiz son şey onunla risk etməyimizdir”.

Qeyd edək ki, Killian Mbappe bu mövsüm “Real”ın heyətində 9 oyuna çıxaraq 7 qol vurub və 1 qolun ötürməsini edib. 25 yaşlı fransalı futbolçuda sentyabrın sonunda sol ayağın biseps əzələsinin zədələnməsi aşkarlanıb.

TEMPİNFO