Azərbaycanda hotellərdə qiymətlər OD TUTUB YANIR – Video

Azərbaycanda 5 ulduzlu hotellərdə xidmət qiymətləri durmadan artır.

Azərbaycanda 4 ulduzlu hotellərdə ən yüksək qiymətlər Naftalandadır.

TEMPİNFO xəbər verir ki, Dövlət Turizm Agentliyinin hesabatına əsasən, bu ilin yanvar-aprel ayları üçün Azərbaycanın şəhər və rayonlarındakı 5 ulduzlu hotellərdə bir gecə qalmaq üçün orta qiymət 225 manat təşkil edib. Bu da ötən ilin eyni dövrü ilə müqayisədə 21,6 % çoxdur. Ən yüksək 5 ulduzlu hotellərdə standart otaqların qiyməti isə qubadadır. Burada bir günlük gecələmək 269 manata başa gəlir.

Turizm üzrə ekspertlər deyirlər ki, qiymətlərin mütəmadi artmasının bir sıra səbəbləri var.

Turizm üzrə ekspert Rəhman Quliyev deyir ki, əvvəlki illərlə müqaisədə indi bəzi otellərdə xidmətlərdə dəyşikliklər və əlavələr var. Bundan başqa, rusiyalı turistlərin Türkiyəyə üz tutması oranın hotellərində də qiymətləri artırıb. Bu səbəbdən rayonlardakı hotellərə yerli turistlərin tələbi artıb.

Qeyd edilir ki, Rusiya-Ukrayna müharibəsi fonunda hələ ki daxili hotellərə tələbatın çox olması davam edəcək. Buna görə də qiymətlərin yaxın vaxtlarda enəcəyi gözlənilmir. (Xezerxeber.az)