![“Finca Azerbaijan” terrorçuluğun maliyyələşdirilməsi ilə bağlı qanunu pozdu – 20 min cərimə](https://tempinfo.az/wp-content/uploads/2024/05/fincatempinfoaz-jpg.webp)
“Finca Azerbaijan” terrorçuluğun maliyyələşdirilməsi ilə bağlı qanunu pozdu – 20 min cərimə
- İQTİSADİYYATSON XƏBƏR
- 21.05.2024 16:11
Mərkəzi Bankın yoxlamalarından sonra “Finca Azerbaijan” və onun vəzifəli şəxsi cərimələnib.
TEMPİNFO.AZ bu barədə AMB-yə istinadən xəbər verir. Məlumata görə, mikromaliyyə təşkilatında Azərbaycan Mərkəzi Bankı tərəfindən aparılan kompleks yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin tələblərinin pozulduğu aşkarlanıb. Belə ki, mikromaliyyə təşkilatı müəyyən edilən daxili nəzarət proqramını tətbiq etməyib. İnzibati Xətalar Məcəlləsinin 598.1.2-ci maddəsinə müvafiq olaraq “Finca Azerbaijan” və onun vəzifəli şəxsi Nəsimi Rayon Məhkəməsi tərəfindən Bakı şəhəri Nəsimi Rayon Məhkəməsi tərəfindən müvafiq olaraq 20 min və 2 min manat məbləğində cərimə edilib.
Xatırladaq ki, “Finca Azerbaijan” 1998-ci ildən Azərbaycanda fəaliyyət göstərir. Mikromaliyyə təşkilatı Hollandiya şirkəti olan FINCA Microfinance Coöperatief U.A.-nın törəmə müəssisəsidir.