İsa Qəmbər – Arif Hacılı müəmması: Hakimiyyətdən işarə gözləyirlər?
- CƏMİYYƏTSON XƏBƏR
- 08.07.2024 18:15
Xəbər verdiyimiz kimi, Müsavat Partiyası sentyabrın 1-də keçiriləcək növbədənkənar parlament seçkilərində iştirak edəcək namizədlərinin siyahısını açıqlayıb. Müsavat Divanı 27 dairə üzrə mübarizə aparacaq partiya üzvlərinin namizədliyini təsdiqləyib.
Yenisabah.az xəbər verir ki, siyahıda İsa Qəmbər, Arif Hacılı, Arzu Səmədbəylinin və Müsavat Partiyasının digər məhşur simalarının adları yoxdur.
Müsavatın ilkin siyahısı müzakirəsiz ötüşməyib. Sosial şəbəkələrdə bu qərarın hakimiyyətlə əlaqəli olduğu iddia edilir. Bəzi siyasi fəallar siyahıda İsa Qəmbər, Arif Hacılı, Arzu Səmədbəyli kimi məhşur müsavatçıların olmamasını YAP-la əlaqələndiriblər. Onların qənaətinə görə, hakim partiya özünün namizədlərini açıqlamadığı üçün Müsavat ağır çəkili funksionerlərinin mübarizəyə qoşulacağı dairələri açıqlamağa tələsmir.
Bir çox analitik iddia edir ki, YAP bəzi dairələri müxalifətdən olan opponentləri üçün boş saxlayacaq, yaxud həmin dairələrdən zəif namizəd irəli sürəcək. İsa Qəmbər-Arif Hacılı cütlüyünün bu üzdən namizədliklərini açıqlamadığı deyilir.
TEMPİNFO