![Maşın quyuya düşdü: Jurnalist xəbərdarlıq etmişdi – FOTOLAR](https://tempinfo.az/wp-content/uploads/2024/06/screenshot_2-jpg.webp)
Maşın quyuya düşdü: Jurnalist xəbərdarlıq etmişdi – FOTOLAR
- HADİSƏSON XƏBƏR
- 07.06.2024 10:33
Masazırda “Opel” markalı avtomobil açıq qoyulmuş və xəbərdaredici nişanın quraşdırılmadığı kanalizasiya quyusuna düşüb.
TEMPİNFO xəbər verir ki, sürücü hadisədən yüngül xəsarətlərlə ötüşsə də, avtomobilə ciddi ziyan dəyib.
Yaxınlıqdan keçən digər avtomobil sahibləri də mövcud vəziyyətdən şikayətləniblər. Onlar müvafiq qurumların laqeyd münasibətinin daha ağır faciələrə səbəb ola biləcəyini deyirlər. Bildirilir ki, bir neçə müddətdir açıq qalmış kanalizasiya quyusu ilə bağlı müvafiq qurumlar tədbir görməyə tələsmir.
Qeyd edək ki, jurnalist Elvin Səlimov bir neçə saat öncə sosial media hesabında paylaşım edərək müvafiq qurumlara müraciət ünvanlamışdı.