Milli Məclis binasının dibçəkdəki güllərinə 24 min xərcləyib

Milli Məclis cari ildə parlamentin binalarındakı dibçəklərdə olan dekorativ ağaclara və güllərə qulluğa görə şirkətlə müqavilə bağlayıb.

TEMPİNFO-nun məlumatına görə, aqrotexniki xidmətin göstərilməsi üçün “Camellia Service” MMC-yə 24 min 3 manat 56 qəpik ödəniş edilib.

Məlumata görə, sözügedən şirkət Milli Məclisə ən ucuz qiymət təklifi verdiyi üçün işlər həmin müəssisənin öhdəsinə buraxılıb.

Qeyd edək ki, “Camellia Service” MMC 2021-ci ilin aprel ayından dövlət qeydiyyatından keçib, qanuni təmsilçisi isə Gündüz Rəşidli Çingiz oğludur.

TEMPİNFO