Paşinyanın deputatından demarkasiya AÇIQLAMASI

“Tavuşda demarkasiya prosesi dayandırılmayıb”.

Musavat.com erməni mediasına istinadən xəbər verir ki, bunu parlamentdə jurnalistlərlə söhbətində hakim “Vətəndaş sazişi” partiyasından olan deputat Vahe Qalumyan deyib.

“Əgər Kirantsda üç problemli ərazidən danışırıqsa, sakinlərin təqdim etdiyi mülkiyyət sertifikatlarına görə bu proses bir müddət dondurulub. Onlar sərhəd-keçid məntəqələrində quraşdırılan postlarla müqayisə edilməlidir. Söhbət neçə mülkiyyət şəhadətnaməsindən gedir, bilmirəm. İrəvanda belə iki qonşunun kadastr sertifikatlarını müqayisə etsəniz, orada ziddiyyətlərə rast gəlmək mümkündür. Sərhəddə də oxşar kiçik nüanslar gözə çarpır. Yerləşdirildikdə xəritədə sərhəd xətti 100-120 metrə qədər olan təbəqəni əks etdirir”, – Qalumyan bildirib.

Erməni deputat demarkasiya prosesinin hansı ilin xəritəsi əsasında aparıldığını bilmədiyini əlavə edib.