YAP İdarə Heyətinin iclası başa çatıb, partiya deputatlığa namizədlərini müəyyənləşdirib – FOTO – YENİLƏNİB

Hakim Yeni Azərbaycan Partiyasının (YAP) İdarə Heyətinin iclası başa çatıb.

TEMPİNFO xəbər verir ki, iclasda YAP 2024-ci ilin sentyabrın 1-də Milli Məclisə keçiriləcək seçkilərdə namizədlərini müəyyənləşdirib.

***

10.13

Hakim Yeni Azərbaycan Partiyasının (YAP) İdarə Heyətinin iclası keçirilir.

TEMPİNFO-nun xəbərinə görə, iclasda 2024-ci ilin sentyabrın 1-də Milli Məclisə keçiriləcək seçkilərdə YAP-ın namizədlərinin müəyyənləşdirilməsi məsələsi müzakirə olunur.

***

09.17

Bu gün hakim Yeni Azərbaycan Partiyasının (YAP) İdarə Heyəti iclas keçirəcək. İclasda sentyabrın 1-də keçiriləcək növbədənkənar parlament seçkilərində partiyanın namizədləri müəyyən ediləcək.

Məlumata görə, partiyanın İdarə Heyətində təmsil olunan şəxslər artıq YAP-ın binasına gəlməyə başlayıb.

Toplantının yaxın saatlarda başlayacağı gözlənilir.

İclasdan sonra hakim partiyanın bütün seçki dairələri üzrə namizədlərini açıqlayacaq.

Qeyd edək ki, YAP-ın İdarə Heyətində 40 nəfər təmsil olunur.

TEMPİNFO