Sumqayıtda sahibsiz iti öldürən şəxs cərimələndi

Sumqayıt şəhərində sahibsiz itin öldürülməsi barədə sosial şəbəkə platformalarında paylaşılan görüntülər Sumqayıt Şəhər Polis İdarəsinin 4-cü polis bölməsinin əməkdaşları tərəfindən araşdırılıb və iti öldürən şəxsin Sumqayıt şəhər sakini Yavər Hüseynov olduğu müəyyən edilib.

TEMPİNFO xəbər verir ki, bu barədə Ekologiya və Təbii Sərvətlər Nazirliyi məlumat yayıb.

Bildirilib ki, faktla bağlı Y.Hüseynov barəsində inzibati protokol tərtib olunub.

Xidmət rəsmisi Asif Məcidov qeyd edib ki, protokol Dövlət Ekoloji Təhlükəsizlik Xidmətinin Sumqayıt Regional Ekologiya İdarəsinə təqdim olunub və qanun pozucusu Y.Hüseynov barəsində cərimə qərarı çıxarılaraq qanunamüvafiq qaydada cərimə edilib.

TEMPİNFO