Dövlət Komitəsi media şirkəti ilə 44 minlik müqavilə imzaladı

Ailə, Qadın və Uşaq problemləri üzrə Dövlət Komitəsi tədbirlərin təşkili ilə bağlı sənəd imzalayıb.

TEMPİNFO-nun məlumatına görə, qurum “Medical Media” MMC ilə müqavilə bağlayıb.

Sənədə əsasən, məişət zorakılığı ilə mübarizəyə dair Milli Fəaliyyət Planı üzrə 2024-cü il ərzində öhdəlikdə olan tədbirlərin təşkili nəzərdə tutulub.

Dövlət qurumu sözügedən şirkətə 44 min 840 manat ayırıb.

“Medical Media” MMC 2005-ci ilin dekabr ayında dövlət qeydiyyatından keçib və qanuni təmsilçisi Sədi Məmmədov Əbülfət oğludur.

TEMPİNFO