İşdən çıxarılan icra başçısının da adı namizədlər siyahısındadır

YAP-ın deputatlığa namizədlərinin siyahısında Baş nazirin müavini Əli Əhmədov, Dini Qurumlarla İş üzrə Dövlət Komitəsinin sabiq sədri Mübariz Qurbanlı, Komitənin keçmiş sədr müavini Səyyad Aranın və Oğuz Rayon İcra Hakimiyyətinin sabiq başçısı Eyvaz Qurbanovun da adı var.

TEMPİNFO xəbər verir ki, bunu YAP İdarə Heyətinin üzvü Musa Quliyev İdarə Heyətinin iclasından sonra APA-ya açıqlamasında deyib.

Musa Quliyev hazırkı deputatlardan Aqiyə Naxçıvanlı və Sədaqət Vəliyevanın da adının namizədlər siyahısında olmadığını bildirib.

Xatırladaq ki, ötən gün E. Qurbanov Oğuz Rayon İcra Hakimiyyətinin başçısı vəzifəsindən azad edilib. Səyyad Aran isə iyulun 15-də Dini Qurumlarla İş üzrə Dövlət Komitəsi sədrinin müavini vəzifəsindən azad edilib.

TEMPİNFO